SINOPSE
MEDIAS AZUIS:
Dous mozos (Fer González e Fran Lareu) van mocear con dúas irmás xémeas (Sabela Gago e Fina Calleja) de aparencia saudable e belida. Dúas testemuñas (Elena Seijo e Fernando Dacosta) transfiren as súas emocións e perspectivas dos acontecementos. A promesa de namoro torna nunha situación arrepiante. Os mozos, ante a imposibilidade do gozo, dan en aldraxalas: ou as usan para o seu pracer ou para facer moca delas. A relación xira sobre o gozo e o pracer sexual ou da burla, nunca da igualdade. A atmosfera é recreada por outra testemuña, o músico (Vadim Yukhevich) que interpreta a maldición circular na que a noite de brétema vai engulir aos mozos.
LOBOSANDAUS:
Lobosandaus conta a historia dun mestre (Fran Lareu) destinado, na segunda década do século pasado, na escola unitaria dunha aldea arraiana. O mozo mestre envía cartas ao seu tío -Penitenciario da Catedral de Ourense- durante o primeiro trimestre do curso. A través das letras desenvólvese unha trama de posesión onde se conxugan o telúrico e o erótico, o mundo e o inframundo, e onde o brillo do fantástico aniña nunha calidade atmosférica e se nutre da forza desatada polo desexo. Nos confíns arraianos de Lobosandaus, a racionalidade perde o seu asento e o mestre cae baixo o dobre feitizo dos aires remotos e da fermosa Dorinda (Fina Calleja), mentres o espírito do capador – anarquista e agrarista- Nicasio Remuñán, (Fernando Dacosta) que perdeu a cabeza por ela en vida, peregrina do corpo aberto de Obdulia (Elena Seijo), en corpo aberto de Turelo (Fer González) para posuílos. Os dous son fillos de Aparecida (Sabela Gago), dona da pensión onde mora o mozo mestre, acompañados por un músico testemuña dos acontecementos (Vadim Yukhevich).
FICHA ARTÍSTICA
AUTOR:
XOSÉ LUÍS MÉNDEZ FERRÍN
DIRECCIÓN:
ÁNXELES CUÑA BÓVEDA
ELENCO:
FERNANDO DACOSTA
FINA CALLEJA
ELENA SEIJO
SABELA GAGO
FRAN LAREU
FERNÁNDO GONZÁLEZ
VADIM YUKHNEVICH
FICHA TÉCNICA
DESEÑO DE ILUMINACIÓN/ESPAZO ESCÉNICO:
BALTASAR PATIÑO
VESTIARIO:
TEGRA V. CARPENTIER, LELE ÁLVAREZ e SARABELA TEATRO
MAQUILLAXE E CARACTERIZACIÓN:
SARABELA
DRAMATURXIA DE MOVEMENTO:
RUTH BALBÍS
CAMPO SONORO:
RENATTA CODDA FONS
COMPOSICIÓN MUSICAL:
VADIM YUKHNEVICH
FOTOGRAFÍA:
RUBÉN VILANOVA
MÁSCARAS E IMAXES:
IRIS BRANCO
GRAVACIÓN EN DVD:
ALBA V. CARPENTIER
REALIZACIÓN DE ESCENOGRAFÍA:
AMENOSDE7METROS
TÉCNICOS DE LUZ E SON:
JOSÉ BAYÓN / RUBÉN DOBAÑO
DESEÑO GRÁFICO:
JOSÉ LAMEIRAS
PRODUCIÓN E DISTRIBUCIÓN:
FINA CALLEJA/ CARLOS DOMÍNGUEZ
ADAPTACIÓN E DRAMATURXIA:
F. DACOSTA, Á. C. BÓVEDA
DESCARGAS
VÍDEO
