QUEN SOMOS

Para nós facer teatro é, por unha banda, unha necesidade vital, e, por outra, a paixón inevitable dun grupo de exploradores, aquelas e aqueles que decidimos vivir coa “alta vixilia do poeta”.

Non pretendemos aquí facer o cómputo de tantas pegadas como nos deixan estes anos de actividade incesante (Agrupación Teatral Independente en 1980 e Compañía profesional desde 1990), xa que polo visto temos ás pero tamén temos pés, é dicir, soñamos e espertamos.

Case sempre traballamos con emocións de alta intensidade, pouco doadas de trasladar da táboa ao papel ou ao formato electrónico.

Enchemos as nosas vidas de contido e incerteza, porque no grupo hai unha resonancia particular. O tecido interno danos calor e empúrranos a seguir vivindo. Mentres que SARABELA teña algo que desentrañar seguirá viva. Parece ser que tan só as emocións fundamentais sobreviven no tempo.

Ata aquí chegamos e pode que saibamos por onde queremos ir. Os noso obxectivos: facer un teatro bo, un teatro vivo, arriscado, contemporáneo, coherente; con rigor, autocrítica, responsabilidade, resistencia… Corrixir constantemente, mellorar para anovarnos.

O miolo da cuestión é que as palabras hai que velas e oílas.

 
 
Ánxeles Cuña Bóveda. Directora de Sarabela

 


[single_bg url=”http://sarabelateatro.com/wp-content/uploads/2016/01/fondo8.jpg”] Lugar e data de nacemento: Pontevedra, 1957 Dramaturga, Pedagoga e Directora. Directora de SARABELA TEATRO. FORMACIÓN E EXPERIENCIA PROFESIONAL Licenciada en Ciencias da Educación pola Universidade de Santiago de Compostela. Diplomada pola Escola de Expresión de Barcelona. Traballou como Profesora de Actividades; impartiu clases de Lingua e Literatura […]

ÁNXELES CUÑA BÓVEDA


[single_bg url=”http://sarabelateatro.com/wp-content/uploads/2016/01/fondo8.jpg”] Licenciada en Pedagoxía e formada en teatro desde o ano 1981 con diversos profesionais como por exemplo: Malonda, Fermín Cabal, Guillermo Heras, Jesús Aladré, Martín Adjemian, Vicente Fuentes, Fabio Mangolini, Albert Boadella, Angel Facio, etc. Actriz cofundadora de Sarabela Teatro realiza a súa labor actoral fundamentalmente nesta compañía, ainda que […]

ELENA SEIJO


[single_bg url=”http://sarabelateatro.com/wp-content/uploads/2016/01/fondo8.jpg”] Ourense 1969. É actor, director e dramaturgo. En teatro é integrante da Compañía Sarabela desde 1986 participando en todas as súas montaxes, sendo algunhas delas: O lapis do carpinteiro, Sexismunda, A illa amarela, A Conxura dos necios, Así que pasen 5 anos, Caricias, O Heroe, A gata con […]

FERNANDO DACOSTA



[single_bg url=”http://sarabelateatro.com/wp-content/uploads/2016/01/fondo8.jpg”] Egresada da Real Escola de Arte Dramático e Danza de Madrid e licenciada en Ciencias da Información pola Universidade Complutense. Durante anos combina a actividade escénica con diversos traballos nos medios de comunicación; membro da compañía Sarabela Teatro dende 1998. Dirixe o seu interés cara o mundo da […]

FINA CALLEJA


[single_bg url=”http://sarabelateatro.com/wp-content/uploads/2016/01/fondo8.jpg”] Licenciada en Pedagoxía e Diplomada en Maxisterio. Reside en Ourense onde compaxina a súa actividade como actriz e docente teatral na compañía Sarabela Teatro, co traballo de dinamización á lectura en Concellos, Cefores, Bibliotecas e Centros educativos de Galicia. Formause dende 1975 ata a actualidade con mestres como […]

SABELA GAGO