ÁNXELES CUÑA BÓVEDA


[single_bg url=”http://sarabelateatro.com/wp-content/uploads/2016/01/fondo8.jpg”]
Anxeles Cuña

Lugar e data de nacemento: Pontevedra, 1957
Dramaturga, Pedagoga e Directora.
Directora de SARABELA TEATRO.

FORMACIÓN E EXPERIENCIA PROFESIONAL
Licenciada en Ciencias da Educación pola Universidade de Santiago de Compostela.
Diplomada pola Escola de Expresión de Barcelona. Traballou como Profesora de Actividades; impartiu clases de Lingua e Literatura no IES Universidade Laboral e na actualidade compaxina o seu traballo no Departamento de Orientación do mesmo Centro coa súa práctica teatral.

TRABALLOS MÁIS SALIENTABLES COMO DIRECTORA DE ESCENA

Leva dirixidos máis de cincuenta espectáculos, entre os que hai que salientar:

1992. As sillas de E. Ionesco.

1993. Xacobe e o seu amo, M. Kundera.

1994. Cama dous por dous para dous, S. Belbel.

1996. A Esmorga, E.B.Amor (Adap. Couceiro-Muñoz).

1998. Tics, Couceiro-Cuña-Dacosta-Muñoz.

2000. O lápis do carpinteiro, M. Rivas (Adap. Cuña-Muñoz-Calleja).

2001. Sexismunda, D. Pedro Calderón de la Barca. (Adap. Cuña-Muñoz-Calleja).

2003. Así que pasen 5 anos de F.G.Lorca. (Adap. Ánxeles Cuña)

2005. O heroe de Manuel Rivas

2007. Margar no pazo do tempo de A. Cuña Bóveda.

2008. Dáme veleno eu tamén soñar de A. Cuña Bóveda

2008. Cósima de Cris Baldwin

2009. A Esmorga de Blanco Amor (Dramaturxia de Begoña Muñoz e Carlos Couceiro)

2010. Konrad de Chistrine Nöstlinger (Dramaturxia de A. Cuña Bóveda)

2010. O incerto Señor Don Hamlet de Cunqueiro

2011. Tango de Slawomir Mrózek

2012. A viaxe a ningunha parte de F. Fernán Gómez (Dramaturxia de A. Cuña Bóveda)

2013. A idade da pavía de Arístides Vargas

2014. Pequenas certezas de Bárbara Colio

2015. Ensaio sobre a cegueira de José Saramago (Dramaturxia de A. Cuña Bóveda)

OUTRAS ACTIVIDADES

RELATORA nas Universidades de Santiago de Compostela, Lugo, A Coruña, Vigo e Ourense. Ten publicado numerosos artigos en revistas especializadas.

DOCUMENTALISTA na película “O lapis do carpinteiro” de Antón Reixa (baseada na narración homónima de Manuel Rivas).

FORMACIÓN RECIBIDA

Beneficiouse, entre outros, das ensinanzas de, Marco Antonio de la Parra, Eugenio Barba, A. Boadella, Augusto Fernandes, Gisellè Barret, Henri Bossu,Antonio Fava, Sergi Belbel…


FORMACIÓN IMPARTIDA

Profesora da asignatura de Creación e Escenificación Literaria.

Pedagoga de Interpretación, Creatividade, Dramaturxia, Dirección.

Impartiu Cursos, Obradoiros e Seminarios para profesionais e asemade en diferentes niveis de ensino universitario e en Formación de Formadores.

FUNDADORA

ANANKÈ (Grupo do INEM). TARUMBA (I.E.S.-Universidade Laboral de Ourense). PACORROQUES (Terceira Idade de Celanova). ESCOLÁSTICOS FEROCHES (Anovación de Filosofía). MARICASTAÑA (Fundadora da Aula de Teatro Universitaria de Ourense, Universidade de Vigo. Na actualidade dirixida por Fernando Dacosta). É fundadora tamén de SARABELA TEATRO.

Dirixe o FITO (Festival Internacional de Teatro de Ourense) desde a súa creación.

CREACIÓN

Autora. Co-autora no equipo de dramaturxia de Sarabela (xunto con Begoña Muñoz, Fernando Dacosta e Carlos Couceiro). Adaptadora ou versionadora (xunto con Begoña Muñoz e Fina Calleja). Adaptadora ou versionadora en solitario de máis de dez textos teatrais.

PREMIOS

Os espectáculos dirixidos por ela son multipremiados en todas as categorías.

Entre os recoñecementos máis directos, recibiu o Premio FETÉN á mellor dirección, espectáculo e texto orixinal, por “Tics”.

Premios Mª Casares á mellor dirección, texto adaptado, iluminación e espectáculo pola obra “O lapis do carpinteiro”.

Premio XIRIA ao labor teatral na XVIII Mostra Internacional de Teatro Cómico e Festivo de Cangas.

Premio Mª Casares ao mellor texto adaptado por “Sexismunda”.

Premio Mª Casares á mellor dirección, espectáculo e texto adapatado pola obra “Así que pasen cinco anos”.

Premio Celestina (da crítica de Madrid) por “Romance de Micomicón e Adelhala”.

CENTRO DRAMÁTICO GALEGO

AXUDANTE DE DIRECCIÓN de Ricard Salvat na obra “O incerto señor don Hamlet, príncipe de Dinamarca” de Álvaro Cunqueiro.

DIRECTORA CONVIDADA para poñer en escena “Leoncio e Helena” de G. Büchner.

DIRECTORA DO CDG como responsable da Unidade de Produción do IGAEM entre outubro de 2005 e marzo de 2006.